ليش البنات إذا زحفن ... جابوا العيد ؟

بسم الله الرحمن الرحيم

السلام عليكم ورحمة الله وبركاته...

مساكم الله بالخير يالغالياااات وعساكم يعرفون غلاكم ولايهونون الغالين...
غلاكم جاء لو إني ماأعرفكم بس غلاكم لأني أعتبر البنات مثل خواتي وأخاف عليكم...اللي يربي الحين هو الجنس الناعم الله لايحرمنا منهم بس...

حبيت أناقش هالموضوع اللي أنا مقتنع فيه بنسبة كبيرة بس صراااحة أجهل الأسباب ...

لاحظت على البنات في عدة أشياء تصير بالمجتمع أنهن من ناحية الانفتاح على أمور تعتبر في المجتمع عيب أو غير محببة زااااااااحفات... ولايهمهم كلام الناس وخلوني أضرب مثل للشرح لا للحصر:

البنات في إحدى كليات دولتنا الغالية السعودية بدال حضور المحاضرات مكالمات مع الجنس الخشن الفاضي الذي يلهث خلف السواد لهث ... وماإن يقضي غرضه وحاجته تركها وشاف غيرها هذا إذا كااان حبيب وقد يصل النذل مرحلة المساومة الله يستر علينا وعليكم من هالأشكال ... ومثل آخر موضة الآي بود انتشرت في الكلية الكلية وقتها ليس وقت فرفشة وتمتع وإنما وقت جد ودراسة والآي بود له مكانه والأمثلة كثيرة بس بخلي لكم الفرصة ...

هذا أول موضوع وبشوف ردة فعل الغااااليات ويارب يستفيد لو وحده منهن ... نشوفكم على خير

اولا اشكرك اخوي على موضوعك واسمح لي ارحب فيك كعضو جديد بينا حياك الله في منتدانا

وثانيا موضوعك في قمه الحساسية والاهميه

طبعا زي ماقلت البنت تترك المحاضره وتروح تكلم الشاب بالكليه عشان ماتقدر تكلمه بالبيت بسبب الخوف من اهلها

انا وحده ادرس بالكليه واشوف من النوعيه هاذي كثيير

بعض البنات الجريئات تعترف انها كلمت خويها وبعضهم ينكرون وتقول اكلم امي او تصرفها بشكل ثاني

عندي وحده من خوياتي كيذا بس هي تنكر

مو مشكله اذا كلمته على التلفون المشكله الحقيقيه تبدا اذا طلعت معه او بدء يهددها

الله يستر علينا وعلى بنات المسلمين

اميـــــــــــــــــن

حياك الله اخوي معنا المنتدى منتداك وهاذي بووسه لك

بصرااحه انا واحده والله الحمد ماني من هالنوع الي تكلم شباب على التلفون

انا صحيح اكلم على المسن والمنتدى والشات بس رققمي ما اعطيه احد ابدا لو وش

اشكرك على موضوعك الجرئ والصريح واشكر لك جرائتتك على طرحه

اهلن وسهلن فيك نورت المنتدى والشاشه والنت كله بتواجدك معنا

بصراحه موضوعك يستاهل تميز اطلب من الجووري بعد اذنك لو تعطينه تميز عشانه ييستاااهل

بدال حضور المحاضرات مكالمات مع الجنس الخشن الفاضي الذي يلهث خلف السواد لهث ... وماإن يقضي غرضه وحاجته تركها وشاف غيرها هذا إذا كااان حبيب وقد يصل النذل مرحلة المساومة الله يستر علينا وعليكم من هالأشكال <<<< اتقباس

عجبتني هالجمله كثيير من ياخذ حاجته تركها

ياليت البنات الي زي كيذا تكون هاذي نصيحه لهم

خل نتكلم بصرااحه الوقت هاذا صعب تلقا بنت عندها جوال ماعندها حبيب هاذا اذا ماكان اكثر من واحد

هي تشوفه مجرد تسليه بعدين ينقلب الامر عليها

يهددها بصورتها او تسجيل مكالماتها او اي شي

الله المستعان

السلام عليكم

حيالله العضو الجديد حيالله الوئام معنا في منتدانا

بصراحه ومن دوون خجل عشان اغلب الي في المنتدى خوياتي

انا اكلم واحد بالتلفون والي دفعني للشي هاذا هو الحب

انا حبيته بصراحه من الشات وعطيته ايميلي وبعدها رقمي

لا تخافون مراح اسرد قصه حياتي

بس اقول لكم يعني لكن بصراحه مدري وش نهايتي معه

يعني اما نترك بعض بسلام او يصير الاسوء

ربي يعديها على خير بس

جزاك الله خير يا الوئام

ابشري يا اكبر داجه

من عيووني

اصلن موضوعه يستاهل

اماا انتي يا عربجيه بصراحه مدري وش اقول لك

انا ما الومك عشانك تحبينه بس افرضي يوم من الايام قلب عليك

وش بتسوين وش بتستفيدين

انا موجوده في مساعدتك وقت مابغيتي دقي علي بتلاقيني

طيب اماااانه عليك يا عربجيه مو تنسين

ابشري حبيبتي من عيوني

تامرين امر كم جووري عندنا

مبرووك لك يا الوئام على تميز موضوعك

دووم في تميز ان شالله

يا هلا وغلا فيه اخوي منوور
يمكن بصدمكم بكلامي بس انا احب واكلم بالتلفون واحد احبه

بس حبي له ما اشغلني عن دراستي ابدا واحنا متفقين اذا اجا اي واحد منا نصيبه

يروح في حال سبيله

الحمد الله ماعندي اي مشاكل واتمنى اني اسفيد من نصيحه اخوي الوئام

حياك معنا من جديد

صباحكم ورد يالغاليات

صراحة ماأتوقعت هالردود وفرحان على الوعي االلي تعيشونه ومشكورين وحده وحده كل من رحب بي فرحتوني بالتجاوب الرائع توقعت هجوم منكم ... مدامكم فتحتوا موضوع المكالمات...

المكالمات والعلاقات متى نصل المشكلة العويصة إذا وصل الطرفين مرحلة العشق والهيام والحب العميق ولأن نهاية هالطريق معروفة وهي الفراااااااااااااق وهنا المشكلة فلا أستغرب إذا سمعت بنت طاحت على أهلها والسبب فراق حبيبها والمشكلة الأخرى التي يمكن تجهلونها وصراحة حرام عليكم يالشباب إذا تعلقت فيها وتعلقت فيك وجاءها خطيب حرام تكون سبب في عدم قبولها للخطيب هذا فالشاب يكون سبب في قطع الأرزاق بهذه الطريقة وعلى فرض أنها وافقت وفارقت حبيبها تدخل مرحلة المقارنة بين زوج المستقبل وحبيب الماضي وهذي مقارنة ظالمة من البداية ...

مشكور ألف مرة لكل من رحب بي ... ومشكورة يالجوري على الدعوة

العفو اخوي

زي ماقلت نهايه كل علاقه حب فرااق

مهما طالت شهر شهرين سنه بالكثير ثلاث سنوات اخرتها فراق

ومستحيل واحد يكلم وحده بالتلفون يتزوجها هاذي الحقيقه المره

اشكرك اخوي واخنا مو ضدك بالعكس كلامك كله صحيح

تقبل مروري

هااااااااي صباايا

ولكموووو الوئام كيفك

بصراحه عجبني موضوعك وبالذات الردود عليه

تعرف انا كم واحد قال لي احبك يمكن 12 شخص

واحد منهم كان بالشات واول مره يدخل وانا اول مره اشوفه قال لي احبك ومدري ليه انجذبت لك

طبعا مو معقوله لو ملكه جمال مايحبني من اول مره لا ومن شات بعد

المشكله ان البنات قلوبهم ضعيفه بعضهم يصدقون اي واحد يقول كم كلمه حب

انا حبيت واحد اول مره كنت في ثاني ثانوي وبعد هالتجربه عرفت ان الحب كذب

مافي حب حقيقي الا بعد الزواج

تقبل مروري اخوي

تسلم

تسلم يمينك يا أمووره الله يوفقك باللي تتمنين أنتي وكل الحاضرات

حياك الله اخوي في منتدى المجنانين

كثيير ماكنت اسمع نصاايح من اهلي وبالذات امي

الى ان مليت منها كنت ما اهتم ادخل الشات واكلم لي عشره عااادي والحياه سهله

كنت اضيف ناس عندي بالماسن وافتح المايك وساعات الكام

كنت فالتها واقول مجرد نت مو حقيقه انا مراح اقابله على الواقع

الى ان طحت بالحب لا ومو اي واحد حبيت واحد بالشات انا اشوفه يكلم الف بنت وانا منهم

حاولت معه يعيني ايميله مارضى الى ان كلمت شخص وعطاني

كان يسفهني يتجاهلني يعطيني بلوك اذا طفش مني

وقتها تحطمت خلااااااااااااص وانا الحين وبفضل الله سويت لي ايميل جديد وتركت ايميلي القديم الي فيه شباب

وبطلت ادخل شات وهاذا بفضل الله ثم امي ثم الغبي الي حبيته وكرهني بالاولاد كلهم

تحياتي لك يا الوئام

اهلن وسهلن يا الوئام

رد عليك بقول : حتى الشباب يتخدعون من قبل البنات

والحين ماشي نظام الخرفنه البنت تخرفن على الشاب وتسحب منه بطاقات شحن

وفلووس واي شي تبين يكون الشاب حاضر لها

وحتى الشب ينضحك عليه وينسحب على وجهه ويستغل من قبل الفتاه

انا ما انكر ان فيه شباب ذئاب لكن حتى البنات نصااابات

وانت يا اخوي الوئام ولد وعارف هالشي عدل واحيانا البنت تكلم الشاب وهي الي تستفيد منه وتستغله

تقبل مروري

احم احم

رد على التمسوح الي قبلي عزااموه الدب

البنت في علاقتها مع الشاب تنظلم اكثر منه والدليل

ان الولد هو الي يهدد البنت مو البنت الي تهدده

الولد هو الي يمنعها من الزواج اذا خطبها احد مو البنت الي تمنعه من الزوااج

واذا صار بينهم شي لسمح الله - زنا- البنت هي الي تتضرر وتحمل وتطيح سمعتها

اما الولد مراح يحمل ولا شي وبيتزوج ولا احد بيدري عنه انه كان على علاقه مع وحده

اما البنت يبان عليها من غشاء البكاره

يعني الشاب صار مظلوم عشان خسر بطاقه شحن؟؟؟؟؟؟

والبنت مو مظلوومه عشان خسرت شرفها وسمعتها ؟؟؟؟؟

السلام عليكم

تعقيبا عليكم كلكم اقول

لو الواحد ينتبه لنفسه البنت تحافظ على نفسها والولد يغض البصر اشوي

مراح اي احد فيهم يتضرر

الحين اي سور او مجمع اطلع له نشوف بنات مخصرين العبايات والشباب يناظروون ويرقموون

لو البنت تحشم نفسها والولد يمسك نفسه مراح يصير شي

لكن الي يبي يفسد ويغازل بيغازل

لا تزعلين يا المرجوجه عشان البنت الي تبي شباب بترووح لهم

هاذي وجهه نظري بس

مشكورين ع المشاركة الفعالة يالغاليات

ومشكور أخوي ع مشاركتك بس حبيت أبين إن كلامك ممكن يكون صحيح لكن قليل والبنت بطبيعتها ضعيفة وزينتها بضعفها وهذي فطرة الله فيها

المهم حبيت أقول حل هالمشاكل كلها الزوووواااااااج ولي موضوع جديد أهم من هالموضوع بس ودي نطلع بفايدة منه بس أرتبه واجهزه بكرا أو بعده بالكثير

يا اخت مرجوجه الولد مايروح للبنت ويقول لها كلميني

البنت لو تأشر لاي واحد بالشارع يجيها

البنت هي الي تفتح المجال للشاب انه يكلمها

روحي المجمعات وشوفي البنات هو الي يسوون فتنه بعباياتهم المخصره والجنز الضيق

الشاب مايتحرش في وحده محترمه نفسها مايتخرش الا في وحده عارضه نفسها

اتمنى كلامي مايكون فيه اي زعل

عزام كلامك صحيح ولا عليه أي غبار بس لكل قاعدة شواذ احنا ماننكر أنه الشباب عندنا جرأتهم

زايدة وبقووووة أجل متى كان مجتمعنا فيه الموعد الغرامي ظاااهرة الان نشكو منها والسبب

جرأة البنات والأولاد وإذا وقفت على الموعد خير بس الله يستر على بنات المسلمين ولايفضح أحد

يا اخ عزاام مافي اي داعي ان تحط سبب انحرافكم فينا

البيت الي تبي شباب بتلقاهم والبنت الي محترمه نفسها اتحدى واحد بس يلمسها

يعني مافي داعي للانفعاليه هاذي ضدنا ولا فيه داعي تحملنا كل الذنب

» فلووس العيد غيرر شكل
» إقلبي وجهك <<<< قصيدهـ قوية >>>> تتمرن حديد خخخخخخخخ
» أظافر البنات عام 2009
» شوفو البنات في الماسن
» اسماء البنات في موبيلات الشباب